Egutegia

Emakumeen ibilbidea artean: agerikoa eta ezkutukoa

Hasi: 2008/02/29. Amaitu: 2008/03/01

Jabekuntza Eskolako bigarren ikastaroa otsailaren 29an eta martxoaren 1ean “Emakumeen ibilbidea artean: agerikoa eta ezkutukoa” izango da.

Ikastaro hau ere 12 ordukoa da eta Udal Hitzaldi Aretoan egingo da (Guzur Etxea) ostiralean 17.00etatik 20.00etara eta larunbatean 11.00etatik 19.00etara.

Emakume artistek oso entzute txikia izan dute gizartean, haien lanak gizonenak baino gutxiago preziatzen dira, eta oso zaila izaten da arte-liburuetan emakumeen lanak aurkitzea. Lan horiek eremu pribatuetan geratu dira, eta emakumeen teknikak arte txikitzat hartu izan dira.

Emakumeetan, ia inor ez da jeniotzat hartu (gainera, gaztelaniaz, hitz horrek ez du adiera femeninorik). Hala eta guztiz ere, irudi artistikoetako biluzien % 70 baino gehiago emakumeena da. Irudi horiek gizonezkoen irudimena azaleratu dute, eta badirudi gizonek lana egin eta emakumeak soilik agertu egiten direla...

Matrikulatzeko epea zabalik dago oraindik. Udal Diru Bilketa bulegoan (Kanttoipe, 3).