Itsas Azoka

Besteak beste, Lea Artibaiko Amankomunazgoak eta Ondarroako Udalak antolatzen dute KRESALETAN ONDARROAKO ITSAS AZOKA. Kontsultatu 2006ko ekitaldiaren egitaraua

Azokaren helburuak ondorengoak dira:

Lehenik, ezagutaraztea sektoreko partaide ezberdinen irizpideak , ikuspegi oso eta bateratzailearen bitartez ; azalduz, era berean , sektoreak dituen arazo nagusiak.

Horretarako , ondorengo erakunde edota elkarteen partaidetza eta aholkularitza daukagu:

• Saila.
• Eusko Jaurlaritza. Garraio eta Herrilan Saila. Portuen Zuzendaritza.
• Bizkaiko Foru Aldundia
• Ondarroako Goi Arrantzako Armadoreen Elkartea.
• Arrantzaleen Kofradiak.
• AZTI
• Arrain Sal-erosleen Elkarteak.
• Kontserberoen Elkarteak.
• Euskadiko Itsas Industrien Elkartea.
• Bilboko Merkataritza , Industria eta Itsasketa Ganbara.
• Ondarroako Udala eta Lea Artibaiko Amankomunazgoa.

Jorratuko ditugun gaiak izango dira ekonomikoak eta sozialak , zein teknikoak eta zientifikoak ; beti ere , interesgarriak eta gaurkoak direlarik.

Erakustea publikoari itsasoarekin eta arrantzarekin zerikusia duten produkto eta zerbitzuen bilduma zabala. Horretarako, karpa baten azpian, azoka-gunea jarriko dugu, non ondorengo produktuak ikus eta eros daitezken:

• Arrantzako industria auxiliar delakoa.
• Arrantzako eta itsasoko kirol eta aisialdirako industria.
• Kontserbagintza eta elikagai-industria.
• Herri Administrazioen egitarauak, egitasmoak eta proiektuak.

Uste dugu ONDARROAKO ITSAS AZOKA oso interesgarria dela gure erakusleentzat :

• Ondarroako portua delako Euskal Autonomi Erkidegoko porturik garrantzitsuena , harrapakinei dagokionez , eta Kantauri Itsasoko garrantzitsuenetarikoa.
• Mutriku, Getaria, Orio, Pasaia, Hondarribia, Lekeitio , eta abarreko portuak Ondarrutik oso gertu daude , eta bertako profesionalak erraz etor daitezke Ondarrura , sektoreko azken berriak ezagutzera.
• Euskal untzitegiak berriztatze prozesu garrantzitsuari ekin zion.

Azokaren azken helburua da, erakartzea , egun horietan , Lea Artibaira bisitari profesionalak zein partikularrak.